Birthday ka din ek magar taufe mile pure saal...

Zindagi ke kuch yaadgar saalo me se sabse haseen saal...

Kaafi naye rishte bane..kuch naye dost kuch saathi mile...

Jo the pehle bhi saath...wo aur apne hogaye..

Jo na the kabhi saath...wo naye rishton ke roop me zindagi ke panno me jud gaye...

Ye saal Mehnat ka rang,

             Rishto ke sang,

       aur Waqt ke sahi hone ka intezar...Kuch is tarah sikha gaya ki aj bhi ye sab ek sapna sa lagta hai...

Is janamdin par naye dost jisme Dost jaisa bhai mila...

Ek naya rishta juda...bade bhai ka saath mila...

Kuch naye dost bane jinse mile bas do pal magar wo lamho ke liye sang reh gaye...

Kuch naye lamhe saje is janamdin...

Aur Yaadein judi naye lamho ke sang...

Choti behena ka pyar mila...bade hone ka ehsas mila...

Parae shehar me bhi ma ka saath mila...ghar ka ehsas mila...

Shukriya apno ka..zindagi ke naye safar ki raah ko itna khubsurat banaya...

Ek khubsurat sandesh mere janamdin ke taufe me jisne ehsas karaya ki rishte dil se bante hai...

thank you my big brother...made this birthday a special one...

Na socha tha jinko karta raha mai hairan wo sab mil karenge muje hairan...

Thank you mom,dad,di and rahul bhai for such lovely surprises 

And my dear brother n my lovely friends  for making me smile even when i was away from home...

Kuch lavz shukriyada ke jo maine mehsus to kara magar kabhi keh na saka...

Shukriya ma papa...for making every thorn in my life blossom into a rose...
Shukriya meri pyari behena...for being there on every difficult turn in my life...
Kuch jyada na sahi apni behen ke liye kuch karna tha,
Uski zindagi ka ek aehem lamha na bhul sake koi aesa kuch sochna tha,
Keh diya tha ma ne bhi bhai ka farz ada muje karna hai,
Koi kuch bhi kahe muje ye shaadi sunhere aksharo me likhwani thi...
Kardu tere naam ye taare kardu lamhe ye pyare,
Magar jo tune chuna hai dulha apna ....use bhi to apnana tha...
Tuje chidane me ab akela nai,
Puri kardi kami jijaji ne jud saath humare...
Thodi der se hi sahi...waqt laga magar aaj apne sabse pyare jode ko ye kehta hu...
Shukriya meri zindagi me ye lamha diya ....apne muje ye mauka diya...
Shayad na keh pata kisi tareeke se apko shukriya...
Ye shaadi ki yaaden ....ye taare taufe me apko deta hu...

Thank god for giving me a chance of making this wedding of the loveliest couple i have ever known a memorable one...

Taufa kisi apne ke ehsaas ke liye...

Nai pata pyar kise kehte hai,

Nahi pata dil lagana kise kehte hai...

Magar jabse tum aye meri zindagi me,

Bas tumhe hi jana,tumhe hi chaha...

Tum bin na din guzre na kate raate...

Koi puche ki pyar kya hai to mai bas,Yahi keh reh jati hu...

Jiski awaz dil ko chuh jae,

Jiski khushbu ke bin phool bhi feeka lage,

Jiski muskurahat ke bin koi khushi achi na lage,

Jiska haath thaam har rah asan lage,

Jiske labho par khud ka naam sunne ka kar lamha mann kare,

Jo har lamha bas apka soche apka khayal rakhe,

Jiski narazgi bhi aur kareeb le aye,

Jiski dhun me bhi mai hu,

Jiski har prathna me mai hu...

Pyar wo hai,jise mai is jahan me sabse jyada chahti hu...

Gam me bhi hasna humne seekha hai...

Jo mile khushi to jeena seekha hai...

Kehne ko dard chupa hai dil me magar chehre muskurahat par bana kar rakhna humne jana hai...

Waqt ne jhukna sikhaya,

Hum jhukna fir bhi na seekha...

Waqt ne na mari haar,

Magar aj jeet meri hui...

Sapne kar sakar aj mai apna badshah hua...

Waqt se ek guzarish...

Na karna apni koshishe adhuri,

Teri haar me meri jeet hai....

Teri koshisho me mere sapne....

Ma....

Ek khuda ki banayi moorat,

Jisse pooja har bache ne..

Diya khuda ka darja par kehte use ma hai...

Uski awaz har dard ki dawa hai,

Har pareshani ka hal hai,

Har dukh ka saath hai,

Har manzil ko pane ki chah hai...

Uske pyar ki chaya kadi dhoop me bhi thand ka ehsas hai,

Har marz ki dawa hai....

Har zokhim uthati ma,aanch na aye bache ko wo har dua karti hai ma..

Kare sab ghar ko yaad magar aye bas yaad ma ke haath ke khane ka swaad...

Bache ki har badmashiyan use achi lage...sab ho sab pareshan wo muskurati rahe...

Har khwaish use jarurat lage,

La deti wo sab jo bhi hume achi lage....

Wo sab chod humare liye bas jiye...khud rahe bhooki lekin hume pyasa bhi na rehne de...

Wo door baith kar bhi humara dil ka haal samaj le,

Uske liye humari har galti maaf hai..

Uske har lavz me pyar hai kbhi dost to kbhi papa ki daant hai...

Uski subah humse shuru humse khatam hoti....wo deti bas pyar hai...

Ma ke roop ko lavfoz me bandhana hosakta nai...kyuki jitni jee nai zindagi usse jyada mila ma ka pyar hai...

Nai magti kuch badale me bas krti beshuma pyar hai.....

Aesi pyar ke sagar ko kehte ma hai....

Love u ma....

Thank u god...fr such wonderful gift...

Tuje kaise batau ki meri saanso me kya hai...

Tuje kaise batau ki meri dil me kya hai....

Tuje samajau kaise ki tu meri dil ki dhadkan,

Tuje samajau kaise ki tu meri har pal ki soch,

Tujse hi mai shuru tujhi par khatam,

Tu hai to mai hu,tu nai to mai anth....

Bas yahi keh sakta hu tu meri zindagi ki khushbu,

Tu meri raaho ka kadam,

Tu mere lamho ka pal,

Tu meri ashiqui tu meri deewanagi....